Skrifstofa Beinverndar hefur verið flutt að Engjavegi 6, 104 Reykjavík. Nýrri skrifstofu fylgir nýtt símanúmer 533-3119 en gsm númerið er áfram 897-3119.

Þrjú ný beinverndarfélög hafa fengið samþykkta aðild að alþjóða beinverndarsamtökunum IOF. Félögin í nefnd beinverndarfélaga innan samtakanna eru því orðin 191 í 91 landi. Þessi þrjú nýju aðildarfélög eru frá Spáni, Singapore og Þýskalandi: – Spanish society of osteoporotic fractures (Sociedad Espanola de fracturas osteoporoticas) – Endocrine and metabolic society of Singapore – Umbrella organization

Beinheilsuátak í Vestmannaeyjum í síðustu viku. 47 konur létu mæla í sér beinþéttnina hjá hjúkrunarfræðingum Heilbrigðisstofnunar Vestmannaeyja í síðustu viku og fengu góða fræðslu um beinþynningu og forvarnir gegn henni. Félagið Beinvernd lagði til beinþéttnimæli, svokallaðan hælmæli, sem er ómskoðunartæki og gefur góða vísbendingu um heilsu beinanna. Beinvernd fagnar heilsuátaki sem þessu.

Starfsfólk Hólabrekkuskóla í Reyjavík var með heilsuviku eða heilsuvakningu  síðastliðna viku og bauð starfsmanni Beinverndar í heimsókn mánudaginn 17. nóvember til að fræðast um beinþynningu og helstu forvarnir gegn henni. Fjörlegar umræður sköpuðust og var fólk almennt mjög áhugasamt. Fræðsluefni, s.s. fréttabréf og bæklingar  frá Beinvernd var dreift til þeirra er vildu.

Alþjóðlegt beinaþing IOF sem áætlað er að halda í Bangkok á Tælandi 3.-7. desember n.k. er í uppnámi vegna óstöðugs stjórnmálaástands í landinu. Stjórn Beinverndar er ekki kunnugt um ferðir Íslendinga á þingið en viðvörun frá IOF er að finna  hér. Ekki er búið að slá þingið af en IOF mun gefa út endanlega ákvörðun