Yfirskrift alþjóðlega beinverndar-dagsins í ár var KARLAR OG BEINÞYNNING Lengi hefur verið vitað að knattspyrnumenn eru góðar fyrirmyndir þegar kemur að beinheilsu.  Þeir eru með sterk bein.  Karlar á öllum aldri geta skipað sér í landslið gegn beinþynningu.  Á yngri árum byggja þeir upp beinmassann en alla ævi þurfa þeir hæfilega áreynslu, auk kalkríkrar fæðu

Í tilefni af alþjóðlegum beinverndardegi hefur Beinvernd gefið út nýjan bækling um karla og beinþynningu. Þeir sem áhuga hafa á að fá bæklinginn geta haft samband við Beinvernd.

Þriðja fréttabréf Beinverndar er komið út. Að þessu sinni er efni blaðsins tengt yfirskrift beinverndardagsins KARLAR OG BEINÞYNNING.  

Októbermánuður er jafnan annasamur hjá Beinvernd og margt á döfinni, þar ber hæst hinn alþjóðlegi beinverndardagur sem er 20 október ár hvert.  Að þessu sinni er yfirskrift dagsins KARLAR OG BEINÞYNNING. Beinverndarátakið í tilefni beinverndardagsins hófst með því að leikmönnum íslenska knattspyrnulandsliðsins var boðið í beinþéttnimælingar hjá Beinvernd í undirbúningi sínum fyrir landsleikinn gegn Svíum.

Heilsu og hvatningardagar – UPP ÚR SÓFANUM!voru haldnir í Vetrargarðinum í Smáralind 16.-17. október n.k.  Beinvernd, ásamt fleiri félögum, er samstarfsaðilið ÍSÍ- Ísland á iði. Fjölmargir lögðu leið sína í Smáralindina og fræddust og marga þætti er stuðlað geta að bættri heilsu.