Heilsuvika í Mosfellsbæ er tilvalið tækifæri til þess að setja af stað eitt allsherjar fjölskylduátak þar sem allir taka höndum saman í eina viku og neyta hollrar fæðu og stunda útivist og hreyfingu og fara þannig saman heilbrigð inn í sumarið.
Dagskrá:
Fellaþrenna, allir geta farið á eitt, tvo eða þrjú fell: Helgafell, Úlfarsfell og Reykjafell og sótt þar miða sem er í boxi á appelsínuglulri veifu, skráð nafn sitt á miðann og skilað í íþróttahúsið að Varmá. Úrdráttarverðlaun – þrír heppnir fellafarar fá vinning.
Brennókeppni, fimmtudaginn 6. maí kl. 20;:00 á sparkvelli Lágafellsskóla.
Heilsutengd skemmtidagskrá verður í Íþróttamiðstöðinni að Varmá milli 12:00-14:00.
Boðið verður upp á fjölskyldu- og skemmtihlaup fyrir unga sem aldna.
Tímasetning á hlaupi:
12:00 Leikskólahlaup, einn hringur á íþróttavellinum. Fígúrur frá Leikfélagi Mosfellssveitar leiða hlaupið. Að hlaupinu loknu fá öll börn verðlaunapening.
12:30 Ræst af stað frá íþróttavellinu í 3 km og 5 km hlaup/göngu.
Beinvernd:
Fulltrúi frá Beinvernd, landssamtaka áhugafólks um beinþynningu, mælir beinþéttni í þeim sem þess óska, en mæling á beinþéttni er mikilvægur þáttur eða vísbending sem segir til um hættuna á því að brotna af völdum beinþynningar.
Himnesk hollusta:
Heilsugúrúinn Sólveig Eiríksdóttir, Solla, sem rekur heilsufyrirtækið Himnesk hollusta, verður með ýmiskonar fróðleik um hollustu og heilbrigt mataræið og miðlar af þekkingu sinni í matreiðslu og neyslu grænmetisfæðis.
Ráðgjöf um mataræði:
Guðrún Adólfsdóttir matvælafræðingur frá Sýni, verður á staðnum milli kl. 12:00-14:00 og svarar öllum spurningum er tengjast næringu – munið allar spurningar eru leyfðar.
Blóðþrýstingmælingar og hæðarmælingar:
Hjúkrunarfræðingur frá Heilsugæslunni verður á staðnum og býður upp á blóðþrýstingsmælingar fyrir þá sem þess óska og hæðarmælingar og fleira skemmtilegt fyrir börnin.
