Fréttabréf - 1. TBL. 12. ÁRG. 2014

1 / 4

1
FRÉTTABRÉF – 1. TBL. 12. ÁRG. 2014
Beinvernd hefur tekið
upp þá nýbreytni að
gefa út fréttabréf sitt
á nútímalegan hátt í
rafrænu formi. Sem
fyrr er það markmið
félagsins með útgáfu
sinni að vekja athygli
almennings á
beinþynningu sem
heilsufarsvandamáli og
vonandi að þessi nýjung verði til þess að enn fleiri
fræðist um mikilvægi heilbrigðra beina. Beinvernd
vill ná til sem flestra. Við þurfum öll sterk
bein á lífsins göngu og mikilvægt að leggja góðan
grunn að þeim á uppvaxtarárum með hollu
mataræði og hreyfingu. Á fullorðinsaldri er
verkefnið að viðhalda sterkum beinum, einnig
með góðu kalkríku mataræði, D-vítamíni og
hreyfingu sem ávallt fyrr.
Fræðsla og aukin þekking eru sterkustu vopnin
í baráttunni gegn beinþynningu. Fyrsta skrefið
í þeirri baráttu er vitneskja um hvað þarf að
gera til að stuðla að góðri beinheilsu og annað
skrefið að kanna í hve mikilli áhættu við erum
með því að taka áhættupróf á heimasíðu félagsins
. Loks þarf að sjálfsögðu að
tileinka sér þessa þekkingu og hafa hana að
leiðarljósi. Það er reynsla okkar hjá Beinvernd að
fylgja verður eftir vitundarvakningu, fræðslu og
forvörnum.
Þann 20. október sl. á alþjóðlegum
beinverndardegi færðu íslenskir kúabændur
félaginu gjafabréf til kaupa á nýjum, færanlegum
beinþéttnimæli og hefur hann þegar verið
keyptur og er væntanlegur til landsins innan
tíðar. Beinvernd hefur áhuga á að nýta nýja
mælinn sem allra best og að landsmenn geti
fengið beinþéttnimælingu án mikillar fyrirhafnar.
Félagið hefur því lagt drög að því að lána
heilsugæslustöðvum í landinu tækið í ákveðinn
tíma í senn svo þær geti boðið upp á mælingar
og fræðslu um beinþynningu og beinvernd.
Beinvernd mun aðstoða heilbrigðisstarfsmenn við
þetta átak eins og kostur er og það er sannarlega
tilhlökkunarefni að takast á við þetta verkefni.
Halldóra Björnsdóttir
framkvæmdastjóri Beinverndar
Meðal efnis:
Norrænn fundur beinverndarfélaga – Beinvernd fær nýjan
beinþéttnimæli – Alþjóðleg ráðstefna beinverndarfélaga –
Nýr samstarfssamningur undirritaður
NÝROGUPPFÆRÐURVEFUR
Beinvernd opnaði nýjan og endurbættan vef á beinverndardaginn þann
20. október, en þar er að finna mikinn fróðleik
um beinþynningu, forvarnir og meðferð. Auk þess er hægt að taka
gagnvirkt áhættupróf um beinþynningu og kanna áhættu sína.