2 / 4
2
www.beinvernd.isSigurður Loftsson formaður Landssamtaka kúabænda afhendir
prófessor Birni Guðbjörnsyni gjafabréf sem stendur fyrir
beinþéttnimælinum.
NÝRSAMSTARFSSAMNINGUR
UNDIRRITAÐUR
Þann 20. október ár hvert halda beinverndarfélög innan
alþjóða beinverndarsamtakanna International Osteoporosis
Foundation IOF upp á alþjóðlegan beinverndardag til að vekja
fólk til vitundar um að beinþynning er heilsufarsvandamál
sem ber að taka alvarlega. Beinvernd er eitt af þessum
beinverndarfélögum.
Í tilefni alþjóðlega beinverndardagsins undirrituðu fulltrúar
frá Beinvernd og Fræðslunefnd mjólkuriðnaðarins,
prófessor Björn Guðbjörnsson og Guðni Ágústsson, nýjan
samstarfssamning til tveggja ára við hátíðlega athöfn á
tilraunastöðinni að Stóra Ármóti í Flóahreppi. Þess má
geta að fyrsti samstarfssamningur sem gerður var á milli
þessar aðila var undirritaður þann 20. október 1999 og hefur
samstarfið verið farsælt. Þessi nýi samningur gerir félaginu
kleift að halda áfram öflugu fræðslu- og forvarnarstarfi.
BEINVERNDFÆRNÝJAN
BEINÞÉTTNIMÆLI AÐ
GJÖF FRÁ ÍSLENSKUM
KÚABÆNDUM
Íslenskir kúabændur afhentu Beinvernd nýjan færanlegan
beinþéttnimæli (ómtæki) að gjöf í tilefni beinverndardagsins
sem áætlað er að nýta í samstarfi við heilsugæsluna í landinu.
Þessi gjöf mun efla til muna forvarnarstarf gegn beinþynningu
á landsvísu því mikilvægt er að greina sjúkdóminn í tíma.
Heilsugæslum landsins hefur nú þegar borist bréf vegna
samstarfs um mælingar og beinverndarfræðslu og hefur
því verið vel tekið. Undirbúningur verkefnisins með nýja
beinþéttnimælinn er því hafinn. Beinvernd kann kúabændum
sínar bestu þakkir fyrir þess höfðinglegu gjöf.
NORRÆNNFUNDUR
BEINVERNDARFÉLAGA
Þann 3. maí sl. var haldinn fundur beinverndarfélaga á
Norðurlöndunum í þriðja sinni. Fyrsti fundurinn var haldinn í
Ósló 2011, annar fundurinn var haldinn í Reykjavík 2012 og sá
þriðji í Helsinki 2013. Á fundinum kynntu fulltrúar félaganna
starfsemi sína, helstu verkefni auk þess að greina frá nýlegum
rannsóknum er tengjast beinþynningu frá sínum löndum.
Judy Stenmark og Laurence Trioulere frá alþjóða beinverndar-
samtökunum sátu fundinn sem áheyrnarfulltrúar til að kynna
sér betur hvernig beinverndarstarfsemi norrænu félaganna
er háttað. Það er afar gagnlegt að skiptast á reynslu og
hugmyndum og vinna saman.
Prófessor Björn Guðbjörnsson formaður Beinverndar og Guðni
Ágústsson formann Samtaka afurðastöðva í mjólkuriðnaði undirrita
samninginn.