Fréttabréf - 1. TBL. 12. ÁRG. 2014

4 / 4

4
UPPSKRIFT
BAKAÐUR SILUNGURMEÐ
FETAOSTI OG GRASLAUK OG
LÉTTRI JÓGÚTSÓSU
Fyrir 4
salt og nýmalaður svartur pipar
800 g silungsflök
100 g fetaostur
100 g vorlaukur fínt skorinn
2 msk graslaukur saxaður ekki mjög fínt
100 g strengjabaunir fínt skornar
AÐFERÐ: Smyrjið eldfast form með
smjöri, raðið silungsflökunum í formið og
kryddið með salti og nýmuldum svörtum
pipar. Stráið yfir vorlauk, strengjabaunum
og graslauk. Setjið að lokum fetaostinn
yfir. Bakið við 180°C í 10-15 mínútur fer
allt eftir stærð silungsins. Einnig er hægt
að nota lax í þennan rétt. Berið fram með
sýrðum rjóma með graslauk og lauk,
fersku salati og nýjum soðnum kartöflum.
LAKTÓSAFRÍ MJÓLK
Laktósafrí léttmjólk kom fyrst á markað frá Mjólkursamsölunni fyrir tæpu ári
síðan en vöruþróun hafði staðið yfir í um tvö ár. Skömmu síðar kom laktósafrí
súrmjólk á markað frá fyrirtækinu. Í laktósafrírri mjólk er búið að fjarlægja
laktósann úr mjólkinni en laktósi er mjólkursykur sem er í mjólkinni frá
náttúrunnar hendi. Áður hafði MS kynnt á markaði fjölmargar vörunýjungar þar
sem búið var að draga úr laktósa en ekki fjarlægja hann alveg. Má þar nefna
sykurskerta Kókómjólk, Hleðslu og drykki.
Hvað er laktósaóþol?
Laktósaóþol hefur verið nokkuð í umræðunni en hjá fólki með laktósaóþol er
minnkuð virkni eða skortur á ákveðnu ensími sem nefnist laktasi en hann sér um
niðurbrot mjólkursykursins í líkamanum. Neysla á vörum með laktósa getur því
valdið fólki með laktósaóþol ýmsum kviðverkjum og öðrum óþægindum. Hafa ber
þó í huga að laktósaóþol eða mjólkursykursóþol er gjörólíkt mjólkurofnæmi sem
er ofnæmi fyrir mjólkurpróteinum.
Tíðni laktósaóþols
Laktósaóþol er mjög mismunandi eftir
heimsálfum og í Asíu, Afríku og Suður-
Ameríku er meirihluti fólks sem þolir
ekki laktósa. Hér á Vesturlöndum er
tíðni laktósaóþols þó mun lægra eða um
10%. Þrátt fyrir það hafa margir íslenskir
neytendur áhuga á vörum sem innihalda
engan laktósa eða mjólkursykur og þetta er
ástæða þess að MS fór af stað með þessa
vöruþróun. Laktósafrí mjólk hentar því fólki
með mjólkursykursóþol og öðrum þeim sem
finna til óþæginda í meltingarvegi við neyslu
mjólkurvara. Laktósafrí mjólk er jafnframt
mun lægri í kolvetnum en önnur mjólk og
er einnig D-vítamínbætt en það vítamín er
af skornum skammti í mat og sérstaklega
mikilvægt fyrir íbúa á norðlægum slóðum
sem lítið sjá af sólinni á vetrarmánuðum.
Sjá nánar:
heilsa/Markfaedi/Laktosafri-mjolk/