Lengi býr að fyrstu gerð. Ungar konur hafa ástæðu til að huga að beinþynningu, enda teljast í áhættuhópi þær sem ekki fá nægilegt kalk, D-vítamín og hreyfingu á þeim árum þegar beinmassinn er að aukast. Talið er að því meiri sem beinmassinn er milli tvítugs og þrítugs því minni verði áhrif beinþynningar síðar á ævinni. Þá þurfa konur milli tvítugs og fertugs að huga sérstaklega að kalkmagni fæðunnar því það gengur á forðann á meðgöngu og við brjóstagjöf. Nýjar rannsóknir sýna að konur sem hafa neytt kalkríkrar fæðu frá blautu barnsbeini eru sterkbyggðari en hinar og í minni hættu á að verða fyrir beinbrotum síðar á ævinni. Aldur er afstæður og kalk, D-vítamín og hreyfing skipta alltaf máli. Konur sem náð hafa 35 ára aldri þurfa u.þ.b. 800 mg af kalki á dag en þegar tíðahvörf nálgast og bein-massinn minnkar hraðar er ráðlegt að auka magnið. Á öllum aldri er nauðsynlegt að fá daglega hreyfingu og sérstaklega ættu eldri konur að varast miklar kyrrsetur.		Ég fer í gönguferðir úti í náttúrunni. Ég drekk léttmjólk eða undanrennu á hverjum degi. Ég borða 2-3 skammta af mjólkurmat á dag. Ég tek lýsi, lýsistöflur eða fjölvítamín. Ég borða hollan og fjölbreyttan mat. Ég hef farið í beinþéttnimælingu. Ég gæti þess að fá ráðlagðan skammt af kalki og D-vítamíni daglega. Ég stunda reglulega líkamsþjálfun. Ég er reyklaus. Ég gæti þess að borða staðgóðan morgunverð á hverjum morgni. Ég drekk kaffi í hófi. Ég hjóla eða geng í vinnuna þegar veðrið er gott.