2 / 8
2
www.beinvernd.is
Þú heldur nú á Frétta-
bréfi Beinverndar en
það er gefið út árlega
á haustin. Ástæðan er
sú að Beinvernd er aðili
að alheimssamtökum
202 beinverndarfélaga,
International Osteo-
porosis Foundation, og
þann 20. október á ári
hverju halda samtökin
upp á hinn alþjóðlega beinverndardag.
Að þessu sinni er fréttabréfið tileinkað unglingum
og er dreifingu á því þannig háttað að það er sent
í pósti á heimilisfang allra þeirra sem nú eru í 9.
bekk grunnskóla. Á þeim aldri er unga fólkið að
móta mataræði sitt og lífsstíl til framtíðar. Því er
mikilvægt að félag eins og Beinvernd láti í sér
heyra og leggi þannig sitt af mörkum til að auka
líkurnar á því að sem flestir unglingar tileinki sér
heilsusamlegt líferni.
Öll þurfum við sterk bein til að komast í gegnum
lífið og það er ekki síst á unglingsárunum sem
við leggjum grunninn að því hversu sterk beinin
raunverulega verða. Hollt mataræði sem gefur
nægilegt kalk og D-vítamín er nauðsynlegt.
Hreyfing er líka mjög mikilvæg og þá sérstaklega
þungaberandi hreyfing eins og hlaup, hopp
og skopp. Það er því afar ánægjulegt hversu
margir unglingar stunda reglubundna hreyfingu
með þátttöku í kröftugu starfi íþrótta- og
ungmennafélaga landsins.
Hins vegar er óraunhæft að ætlast til þess að
unglingarnir geti séð um þetta alveg sjálfir. Á
þessum aldri er margt sem glepur og nauðsynlegt
að foreldrar axli ábyrgð með því að veita aðstoð
og aðhald. Það hvað til er í ísskápnum skiptir
miklu máli og langar setur við tölvuskjái eða
sjónvarpsgláp er engum hollt.
Foreldrar, unglingar! Ég hvet ykkur eindregið til að
lesa fréttabréfið vel. Í því eru ótal fróðleiksmolar,
fínar uppskriftir og viðtöl við tvo ólympíufara sem
eiga það sameiginlegt að hugsa vel um heilsu sína
og mataræði. Þekking er grundvöllur forvarna
og þar gegnum við öll hlutverki, sjálfum okkur og
öðrum til góða.
Lifið heil.
Eyrún Ólafsdóttir hjúkrunarfræðingur
hallóforeldri!
Endurnýjunbeina
Hallóunglingur!
Þú sem fékkst þetta blað í hendur og ert að skoða það. Það er ástæða
fyrir því að Beinvernd, félag áhugafólks um heilbrigði beina, sendir þér
þetta blað prívat og persónulega. Það er ástæða fyrir því að þetta félag
er að eyða peningum og hafa fyrir því að búa til þetta blað. Fólkið sem
stendur á bak við félagið Beinvernd vill segja þér að þú átt að hugsa
um beinin þín og vernda þau. Ertu kannski að æfa fótbolta, handbolta
eða frjálsar íþróttir? Ef þú stundar einhverjar íþróttir ertu ekki bara að
styrkja vöðvana til þess að verða betri í íþróttinni. Þú ert líka að að efla
beinin sem launa þér allt erfiðið með auknum styrk sem mun gagnast
þér alla ævi.
Beinvernd vill stuðla að því að þið unga fólkið stundið íþróttir og hreyfið
ykkur ekki aðeins ánægjunnar vegna heldur einnig vegna þess gagns
sem þið gerið líkama ykkar. Líkaminn er ekki bara vöðvarnir sem eru
sýnilegir heldur einnig beinin sem bera þá uppi. Án sterkra beina er
flott útlit aðeins fínar umbúðir.
Beinvernd vill líka benda ykkur á nauðsyn þess að borða hollan mat
fyrir beinin. Ekki einblína bara á vöðvana! Þótt beinin séu ekki eins
sýnileg og þeir, þá skapa bein og vöðvar í sameiningu hraustlegt útlit.
Ef þú vilt líta vel út hugar þú einnig að beinunum og sérð til þess að
þau fái það sem þau þurfa. Kalkrík fæða svo sem mjólkurvörur, dökkt
grænt blaðgrænmeti og D-vítamín, sem við fáum úr lýsi, er allur
galdurinn, og beinin launa þér ríkulega í íþróttunum og í lífinu sjálfu!
Þetta eru skilaboðin sem Beinvernd vill koma til þín. Efnið í blaðinu
fjallar að meira og minna leyti um þetta tvennt, hreyfingu og mataræði.
Ef þú gefur þér tíma til þess að lesa það, íhuga innihaldið, leggja það
á minnið og tileinka þér það nærðu árangri sem skilar sér langt inn í
framtíðina.
Gangi þér vel.
Beinvernd
Pósthólf 161, 270 Mosfellsbær
Sími: 897 3119
www.beinvernd.is
Viltu gerast félagi?
Þeir sem hafa áhuga á að gerast félagar í Beinvernd geta haft
samband við Halldóru Björnsdóttur, framkvæmdastjóra félagsins,
í síma eða sent tölvupóst. Allir eru hjartanlega velkomnir.
1.
Beinbrjótar (osteoclasts)
setjast á yfirborð beinanna.
2.
Beinbrjótar éta sig niður í
beinið.
3.
Beinbyggjar (osteoblasts)
búa til nýtt bein.
4.
Niðurbrotið og nýmyndunin í
beininu eru jafn mikil.
1.
4.
2.
3.