7 / 12
www.beinvernd.is
07
Alþjóðlegi skólamjólkurdagurinn var haldinn í tólfta sinn þann 28. september sl.
Hér á landi var haldið upp á hann undir kjörorðunum „Holl mjólk og hraustir
krakkar“. Markmiðið með Skólamjólkurdeginum er að vekja athygli barna og
foreldra á mikilvægi mjólkur í fæði barnanna en mjólkurneysla þeirra hefur dregist
verulega saman víða um heim, þar á meðal hér á landi. Í tilefni dagsins buðu MS
og mjólkurbændur öllum leikskóla- og grunnskólabörnum landsins upp á mjólk í
skólunum. Má reikna með að þar hafi verið drukknir um 16.000 lítrar af mjólk.
Á Skólamjólkurdeginum var einnig hleypt af stokkunum árlegri teiknisamkeppni þar
sem öllum nemendum fjórða bekkjar var boðið að taka þátt. Myndefnið var frjálst en
æskilegt að það tengdist hollustu mjólkurinnar fyrir ungt fólk. Mikil þátttaka hefur
verið í samkeppninni á undanförnum árum og margar frumlegar og skemmtilegar
myndir borist.
Á Skólamjólkurdeginum fékk hópur barna í fjórða bekk í Fellaskóla óvænt boð um að
heimsækja mjólkurbændurna að Reykjum í Skeiða- og Gnúpverjahreppi. Þar gafst
þeim færi á að sjá með eigin augum hvernig búið er að kúnum í fjósinu og hvernig
búnaður er notaður við mjaltir nú til dags. Heimsókninni lauk með því að krakkarnir
hjálpuðu við að reka kýrnar út á tún og ekki er ólíklegt að þau hafi farið þaðan með
góðar minningar og hugmyndir fyrir teiknisamkeppnina.
Hollmjólkog
hraustirkrakkar
Krakkanesti
Spelt-tortilla með paprikuosti,
osti og kjúklingaskinku. Gulrætur,
sellerí og mjólkurglas.
Vinningshafi teiknisamkeppninnar sem hófst á Skólamjólkurdaginn 2010 og úrslit lágu fyrir 2011:
Vladislav Krasovsky úr Fellaskóla.
Kálfur vekur athygli
skólabarna.
Flatkaka, rúgbrauð og skonsa með
smjöri og osti. Epli og mjólk.
Beinlínis hollt